పూనకాలు తెప్పిస్తున్న పుష్ప -2 టీజర్

మొన్నామధ్య వచ్చిన పుష్ప సినిమా  ఎంత పెద్ద సక్సెస్ అయ్యిందో తెలిసిందే. ఈ సినిమాతో దాని సీక్వెల్ కోసం  ప్ర‌పంచ‌వ్యాప్తంగా సినిమా ప్రేక్ష‌కులు ఎదురుచూస్తున్నారు.  పుష్ప‌-2 ది రూల్ కోసం దేశ వ్యాప్తంగా సినీ అభిమానులే కాకుండా… ఇతర దేశాల్లో ఉన్నవారు సైతం ఆసక్తిగా వెయిట్ చేస్తున్నారు.   పుష్ప ది రైజ్‌తో ప్ర‌పంచ సినీ ప్రేమికుల‌ను అమితంగా ఆక‌ట్టుకోవ‌డ‌మే ఇందుకు కార‌ణం. ఈ చిత్రంలో ఐకాన్‌ స్టార్ అల్లు అర్జున్ న‌ట‌న‌కు, బ్రిలియంట్ డైరెక్ట‌ర్ సుకుమార్ ద‌ర్శ‌క‌త్వ ప్ర‌తిభ‌కు అంద‌రూ ఫిదా అయిపోయిన సంగ‌తి తెలిసిందే.  ఈ ఇద్ద‌రి క‌ల‌యిక‌లో రాబోతున్న పుష్ప‌-2 ది రూల్‌పై ప్ర‌పంచ‌వ్యాప్తంగా భారీగా అంచ‌నాలు వున్నాయి.అయితే ఇవాళ స్టైలిష్ స్టార్ అల్లు అర్జున్ పుట్టిన‌రోజు సంద‌ర్భంగా  పుష్ప 2  టీజ‌ర్‌ను విడుద‌ల చేశారు మేక‌ర్స్ . ఇందుకు సంబంధించిన ఓ అనౌన్స్‌మెంట్ పోస్ట‌ర్‌ను ఆదివారమే రిలీజ్ చేశారు. అయితే తాజాగా విడుదలైన టీజర్‌లో అల్లు అర్జున్‌ను చూసిన ఫ్యాన్స్ షాక్ అవుతున్నారు.  సినిమాలో కీలకంగా సాగే జాతర సన్నివేశాలతో పుష్ప 2 టీజర్  సిద్ధమైంది. మాస్‌ అవతార్‌లో బన్నీ లుక్స్‌, యాక్షన్‌ సన్నివేశాలు ఈలలు వేయించేలా ఉన్నాయి. టీజర్ చూసిన అభిమానులు అదిరిపోయిందంటూ.. కామెంట్లు చేస్తున్నారు. టీజర్ బ్యాక్ గ్రౌండ్ స్కోర్ కూడా చాలా బాగుందని చెబుతున్నారు.